Mönnun og fræðsla: Hæft starfsfólk, sterk og fjölbreytt liðsheild

Samskipti og gleði: Virðing, virkt upplýsingaflæði og góður andi

Heilsa og öryggi: Vellíðan í starfi og jafnvægi milli vinnu og einkalífs

Kaup og kjör: Jafnrétti, jöfn tækifæri og samkeppnishæf laun

Í starfslýsingu koma fram þær kröfur sem gerðar eru til viðkomandi starfs. Umfang og eðli starfs hefur áhrif á laun og ræðst af fjölmörgum þáttum, svo sem menntun, starfsreynslu, þekkingu, hæfni, ábyrgð, álagi og vinnuaðstæðum. 

Vinnustaðurinn er með jafnlaunavottun skv. ÍST 85:2012

1. Að þjónusta fyrirtækisins uppfylli væntingar viðskiptavina og að fyrirtækið skili ávallt vöru í samræmi við viðeigandi gæðastaðla og önnur viðmið sem fyrirtækið hefur skilgreint.
2. Að viðhalda góðri stöðu á sínu sviði í gæðamálum með frumkvæði og aukinni þekkingu starfsmanna.  
3. Að sinna kerfisbundnu eftirlit með gæðum framleiddra og innfluttra vara sem og veittrar þjónustu.
4. Að viðhalda gæðasstjórnunarkerfi sem er í samræmi við gildandi staðla um gæðastjórnun og vörugæði.
5. Að allt starfsfólk fyrirtækisins hafi aðgang að, þekki og skilji gæðastefnuna og hafi hana að leiðarljósi í störfum sínum.
6. Að fylgja og hlíta opinberum kröfum sem gerðar eru til starfsemi fyrirtækisins hverju sinni.
7. Að stuðla að stöðugum framförum í starfsemi fyrirtækisins í starfsumhverfi sem byggist á samstarfi og virkri þátttöku allra starfsmanna.

Gæðastefna var uppfærð og yfirfarin af forstjóra 3.7.2024

Stjórnháttaviðmið snúa að stjórn, stjórnendum, innra eftirliti og áherslum tengt samstarfsaðilum og birgjum.

Nýsköpun og fjárhagslegur styrkur

• Við notum allar auðlindir eins hagkvæmlega og hægt er og stefnum á að viðhalda heilbrigðum fjármagnskostnaði
• Við fjárfestum í nýsköpun og þróun á framsæknum umhverfisvænni framleiðsluaðferðum og vöru
• Við tökum þátt í verkefnum utan fyrirtækisins sem stuðla að þróun og notkun á umhverfisvænni framleiðslu og efni.

Eftirfylgni við lög og reglur ásamt gagnsæi

• Við tryggjum samræmi við alþjóðleg mannréttindalög, gegn spillingu og vinnurétt starfsfólks með ferlum innan fyrirtækisins svo sem stefnu um vernd uppljóstrara
• Við gerum strangar kröfur um viðskipti okkar við birgja og samstarfsaðila
• Við tryggjum að hver staða innan fyrirtækisins sé mönnuð með hæfasta einstaklingnum án tillits til kyns, trúarbragða, kynþáttar eða kynhneigðar

Félagsleg viðmið snúa að því hvernig við komum fram við starfsfólk, birgja, viðskiptavini og nærsamfélagið. Áherslurnar taka líka mið af jafnréttismálum og nýsköpun.

Framúrskarandi heilbrigðis- og öryggismál

• Við ætlum að efla öryggismenningu og setjum öryggi og heilsu starfsfólks í forgang
• Við ætlum að tryggja að allt starfsfólk skili sér heilt heim að loknum vinnudegi 
• Við ætlum að ná töpuðum tíma vegna vinnuslysa niður í núll
• Við ætlum að efla öryggismenningu og rekum öflugt forvarnar- og fræðslustarf til að koma í veg fyrir slys eða sjúkdóma af völdum starfseminnar

Ábyrgur samfélagsþegn

• Við viljum vera eftirsóknarverður vinnustaður sem tryggir góð starfsskilyrði og möguleika til starfsþróunar
• Við veitum aðgengilegar upplýsingar um starfsemina, árangurinn og framleiðsluna
• Við ætlum að vera virkur þátttakandi í verkefnum í nærsamfélaginu
• Við höldum úti samfélagssjóðnum Hjálparhella BM Vallá og styðjum við samfélagsleg verkefni

Umhverfisleg viðmið snúa að þeim verkefnum sem unnið er að í tengslum við loftslagsáhrif og því yfirlýsta markmiði að ná kolefnishlutleysi í starfseminni árið 2030.

Eflum hringrásarhugsun

• Við stefnum á kolefnishlutleysi í starfseminni árið 2030
• Við ætlum að minnka kolefnisspor á hvern framleiddan rúmmetra af steypu um 30% fyrir 2024
• Við ætlum að efla hringrásarhugsun í starfseminni, t.d. með því að draga úr úrgangi sem er óflokkaður 
• Við munum stöðugt auka endurnýtingar- og endurvinnsluhlutfall í allri okkar framleiðslu

Ábyrg notkun auðlinda

• Við ætlum að minnka sement í steypuuppskriftum okkar
• Við ætlum að vera enn ábyrgari í notkun á auðlindum vatns og rafmagns
• Við ætlum að draga úr notkun jarðefnaeldsneytis með ábyrgri skipulagningu (e. logistic) á flota og flutningum 
• Við höfum í heiðri ábyrga nýtingu auðlinda í allri okkar starfsemi ásamt því að lágmarka sóun í starfseminni

1. Að fylgja lögum og reglugerðum varðandi öryggi og heilsuvernd starfsfólks.
2. Að fylgja öryggis- og heilsustefnu Heidelberg Materials (útgefin 28.04.2023).  
3. Að stuðla að aukinni öryggisvitund starfsfólks og vekja athygli á að afstaða starfsfólks til áhættu og ábyrgðartilfinningar getur skipt sköpum fyrir öruggt vinnuumhverfi.
4. Að tryggja samráð og virka þátttöku allra starfsmanna í málefnum H&ÖV (stjórnunarkerfi um heilbrigði og öryggi á vinnustað).
5. Að gera það sem mögulegt er til að verjast slysum og forðast það sem heilsuspillandi getur talist.
6. Að vinna að stöðugum umbótum á sviði öryggismála meðal annars í tengslum við reglulegt áhættumat og athugasemda sem berast í framhaldi af því.

Stefnan var uppfærð og yfirfarin af forstjóra 3.7.2024

Vistvæn og hagkvæm innkaup  
Leitast er við því í hvívetna að auka kostnaðarvitund starfsmanna og stjórnenda við öll innkaupa og þeirri ábyrgð sem fólgin er í því að ráðstafa fjármagni félagsins.  

Eftir fremsta megni er leitast eftir því að öll innkaup séu eins vistvæn og kostur er.  Horft er í kolefnissporið samhliða kostnaði við val á hráefni, vörum og flutningsleiðum. 

Umhverfisáhrif 
Í innkaupum verður leitast eftir fremsta megni að draga markvisst úr neikvæðum umhverfisáhrifum virðiskeðjunar. Umhverfisárangur og kolefnisspor í starfseminni er birt árlega í sjálfbærniskýrslu félagsins. 

Birgjamat 
Árlega er framkvæmt birgjamat, þar sem áreiðanleiki þeirra er metinn. Birgjar eru greindir eftir mikilvægi út frá veltu, rekstraröryggi, sjálfbærni og hvort um er að ræða lykil birgja. Metið er fjárhagslegt hæfi, kvartanir út frá gæðum, afhendingaröryggi og almenn frammistaða. Einnig er mælt hvort birgjar samþykki siðareglur félagsins eða starfi eftir sambærilegum reglum. Birgjar geta svo fengið þrjár mismunandi stöður út frá frammistöðu, standist birgi kröfur félaganna er hann merktur grænn, sé þörf á úrbótum er hann gulur og sé þörf á endurskoðun á frekari samstarfi er hann rauður.  

Skuldbindingar gagnvart lögum og reglum
Öll viðskipti skulu fara fram í samræmi við viðeigandi lands- og samkeppnislög, auk þeirra siða- og samvinnureglna sem hafa verið gefnar út. Starfsfólk skal ávallt starfa af heiðarleika og fagmennsku í öllu sínu starfi.

Spilling eða mútur
Notkun fjármuna fyrirtækisins í ólöglegum eða óviðeigandi tilgangi er með öllu óheimil, hvort sem um er að ræða að veita eða þiggja mútur. Settar hafa verið reglur um hagsmunaárekstra, ásamt því að reglur eru viðhafðar í tengslum við að veita eða þiggja gjafir eða önnur fríðindi.   

Heilsu- og öryggismál
Áhersla er lögð á að styrkja og bæta öryggismenningu innan fyrirtækisins, enda er öryggi og heilsa starfsfólks ávallt sett í forgang.

Umhverfismál og sjálfbærni
Sjálfbærni og umhverfismál eru höfð að leiðarljósi í starfseminni ásamt ábyrgri meðhöndlun náttúruauðlinda. Þar af leiðandi er reynt að lágmarka neikvæð umhverfisáhrif starfseminnar þar sem það er tæknilega og fjárhagslega mögulegt.  

Mannréttindi og réttindi starfsfólks
Fyrirtækið skuldbindur sig til að virða mannréttindi, stuðla að jafnrétti og tryggja sanngjarnar vinnuaðstæður fyrir allt starfsfólkið sitt.

Upplýsingaöryggi og persónuvernd
Ströngum kröfum og löggjöf um upplýsingaöryggi er fylgt ásamt meðhöndlum persónuupplýsinga, bæði hvað varðar viðskiptavini, birgja og starfsfólk.   

Varnir gegn peningaþvætti
Reglubundnar athuganir og úttektir eru framkvæmdar til að draga úr áhættu á peningaþvætti eða öðrum ólögmætum athöfnum af hálfu þriðja aðila. Einnig er forðast að nota reiðufé í viðskiptum til að auka gagnsæi og tryggja að reglum sé fylgt.

Ábyrgð hvers starfsmanns
Hver og einn starfsmaður þarf að þekkja og fylgja siðareglum fyrirtækisins. Þá er hann skyldugur til að tilkynna um möguleg brot á þessum reglum í gegnum SpeakUp-úrræðið.   

Jákvæð og uppbyggileg samskipti 
Starfsfólk er hvatt til að eiga í jákvæðum og uppbyggilegum samskiptum, og sýna ábyrgð í þeim tilgangi til að skapa gott vinnuumhverfi. Einnig er það hvatt til að tilkynna um óæskilega hegðun eða vandamál sem kunna að koma upp.

Siðareglur birgja
Siðareglur birgja mynda undirstöðurnar að öllum samningstengslum fyrirtækisins við birgja sína. Farið er fram á að birgjar fyrirtækisins virði og tileinki sér þessar siðareglur sem samrýmast gildum þess. Þeim er ætlað að veita vörn gegn spillingu ásamt því að setja fram skýrar áherslur í umhverfismálum. Siðareglurnar eru í samræmi við alþjóðlega staðla í samfélagsábyrgð, eins og SA 8000, auk þýsku löggjafarinnar um áreiðanleikakönnun fyrirtækja í birgjakeðjum sem og umhverfisstaðalsins ISO 14001.

Hornsteinn fylgir stjórnháttar- og hlítnireglum Heidelberg Materials sem eru endurskoðaðar og aðlagaðar reglulega til að endurspegla ríkjandi gildi og viðmið samfélagsins.