Vistvænni mannvirkjagerð
Sjálfbærni að leiðarljósi
Auknar kröfur og áherslur í tengslum við vistvænni mannvirkjagerð verða sífellt meira áberandi. Þessum áherslum fögnum við og eru metnaðarfull markmið og aðgerðir í gangi hjá samstæðunni er snúa að umhverfismálum og vörum með lægra kolefnisspor.
Þar á meðal má nefna kolefnishlutlausa starfsemi BM Vallá fyrir árið 2030, vistvænna sement hjá Sementsverksmiðjunni og jarðefnagarður með áherslu á hringrásarlausnir hjá Björgun.
Hlutverk Hornsteins er m.a. að styðja við verðmætasköpun og ný tækifæri fyrir dótturfélögin. Hjá Hornsteini er einnig markvisst unnið að nýsköpun í samstarfi við hvert og eitt dótturfélag. Rauði þráðurinn í þeirri vinnu er umhverfismál og sjálfbærni og tekur öll stefnumótun mið að þeim áherslum.
Vistvænni steypa
Steypa með minna kolefnisspor
Metnaðarfull markmið BM Vallár um kolefnishlutleysi í starfseminni árið 2030 hefur kallað á markvissar aðgerðir, vöruþróun og nýsköpun.
Þar sem sementshlutinn er 85-90% af heildarlosun CO2 í starfsemi fyrirtækisins er það því forgangsmál að bjóða fram nýjar tegundir steypu sem eru með umhverfisvænna sementi. Nú þegar getur BM Vallá boðið upp á Berglindi, vistvænni steypu, sem er með 45% minna kolefnisspor en hefðbundin steypa á markaði.
Umhverfisáherslur sem eftir er tekið
Viðurkenningar fyrir umhverfismál
Áherslur og aðgerðir sem hafa verið teknar í átt að umhverfismálum og sjálfbærni hafa skilað eftirtektarverðum árangri. Árið 2024 hlaut BM Vallá tvær viðurkenningar fyrir árangur í umhverfismálum og var valið Umhverfisfyrirtæki ársins samkvæmt Samtökum atvinnulífsins og hlaut Kuðunginn frá Umhverfis- orku- og loftslagsráðuneytinu.
Við deilum þessum heiðri með starfsfólki, samstarfsaðilum og öllum þeim sem hafa lagt sitt af mörkum til að móta ábyrgari og vistvænni framtíð fyrir íslenskan byggingariðnað.
Starfsemin er tengd við Heimsmarkmið SÞ
Sjálfbærnistefna
Sjálfbærnistefna okkar er lýsandi fyrir áherslurnar í samfélagslegri ábyrgð og tekur stefnan mið af heimsmarkmiðum Sameinuðu þjóðanna um sjálfbæra þróun í tengslum við umhverfisleg-, félagsleg- og stjórnháttaviðmið.
Hornsteinn, og dótturfélög, hefur sett fimm heimsmarkmið í forgang sem eru í takt við stefnumörkun fyrirtækisins: Jafnrétti kynjanna, Nýsköpun og uppbygging, Sjálfbærar borgir og samfélög, Ábyrg neysla og framleiðsla og Aðgerðir í loftslagsmálum.
Allt sem við gerum hefur áhrif
Þverfaglegt samstarf og samtal
Við viljum stuðla að þverfaglegu samstarfi og faglegu samtali við helstu hagaðila í mannvirkjagerð hérlendis og erlendis. Þannig leggjum við okkur fram um að taka þátt í viðburðum og öðrum vettvöngum sem er ætlað að hreyfa við ákvörðunaraðilum, hönnuðum og öðrum samstarfsaðilum sem vilja gera mannvirkjagerð vistvænni.
Samstarf til að auka sjálfbærni
Við erum þátttakendur og samstarfsaðilar ýmissa félagasamtaka sem hafa það sameiginlegt að vilja efla þekkingu og stuðla að meiri sjálfbærni hjá fyrirtækjum, sveitarfélögum og stofnunum.
Vistvænna sement
Kolefnisföngun sementsbirgja
Sementsbirgir Björgunar-Sements, Heidelberg Materials Sement Norge AS, reisir kolefnisföngunarstöð í Brevik í Noregi. Áætlað er að afkastageta hennar verði um 400 þúsund CO2 tonn á ári, sem samsvarar u.þ.b. 50% af útblæstri verksmiðjunnar.
Þar af leiðandi mun kolefnisspor sements frá fyrirtækinu lækka enn frekar samanborið við sambærilegt sement á markaði.
Umhverfisyfirlýsingar (EPD)
Lífsferilsgreining steinefna
Áherslur Björgunar-Sements miða að sjálfbærri nýtingu jarðefna og að ekkert fari til spillis við vinnslu steinefna úr landi og sjó. Fyrirtækið hefur gert lífsferilsgreiningu á steinefnum sem það framleiðir og hafa vottanir verið gefnar út af þriðja aðila.
Björgun-Sement hefur skrifað undir viljayfirlýsingu við Sorpu um uppbyggingu nýs jarðefnagarðs þar sem áherslan verður á að efla endurvinnslu, auka nýtingu náttúruauðlinda og draga úr sóun.